கொடுப்பதும் கெடுப்பதும்

 

 

கொடுத்து கொடுத்து – வாழ்!

கொடுத்து கெடுத்து – வீண்!

கெடுத்து கொடுத்து – பாழ்!

கெடுத்து கெடுத்து – ஏனோ ?

பிடித்ததும் கிடைத்ததும்

பிடித்ததெல்லாம் கிடைத்துவிட்டால், அது

கிடைத்தபின் பிடிப்பதில்லை.

கிடைத்ததெல்லாம் பிடித்துவிட்டால், அது

பிடித்தபின் நிலைப்பதில்லை!!!

நினைப்பதெல்லாம் நடந்துவிட்டால், அது

நடந்தபின், அதை நாம் நினைப்பதில்லை.

நடந்ததையே நினைத்திருந்தால், அது நாம்

நினைப்பதுபோல் நடக்க போவதில்லை!!!

நம் மனசாட்சி

பூட்டிக் கிடக்கும் வெள்ளை வீடு – நம் மனசாட்சி.

இந்த பூட்டின் சாவி நம் கையில் இருக்க,

நாமோ அந்த வீட்டையே

துளைத்துவிட்டு தேடுகின்றோம்!!!

நினைப்பதெல்லாம் நடப்பதில்லை

நினைப்பதெல்லாம், நடப்பதில்லை …

நடப்பதெல்லாம், பிடிப்பதில்லை …

பிடிப்பதெல்லாம், நிலைப்பதில்லை, …

நிலைப்பதெல்லாம், நல்லதாய் இருப்பதில்லை …

நல்லதெல்லாம், நாம் என்றுமே நினைப்பதில்லை …

அதனால் … நினைப்பதெல்லாம், நடப்பதில்லை.

முற்றுப்புள்ளி

வாழ்க்கை என்னும் வாக்கியத்தில்

நான் மட்டும் தனியாய்!!!

ஒரே புள்ளியாய்!!! முற்றுப்புள்ளியாய்.

.

குடும்பம், நட்பு, சமூகம் …

என்று பல புள்ளிகள் வந்து சேர்ந்தன

வார்த்தைகள் இல்லா வாக்கியமானது

என் வாழ்க்கை… …………………..

மகிழ்ச்சியுடன்…………………..

T20 உலகக் கோப்பை

வாழ்கையும் கிரிக்கெட் போலத் தான்
உலகக் கோப்பையில் முதல்
சுற்றுலேயே தோற்றாலும்,
T20 உலகக் கோப்பை போல
நமக்கென சின்னதாக ஒரு
சந்தர்ப்பமாவது அமையும்,
நாம் வாழ்க்கையில் ஜெயிக்க!!!

T20 உலகக் கோப்பை ஜெயித்த
நம் இந்திய அனிக்கு வாழ்த்துக்கள்.

பிரிந்த உறவுகள்

முறிந்த உறவுகள் பிரியக் கூடும்

ஆனால்

பிரிந்த உறவுகள் முடிவதில்லை

நினைவுகளால்

தொடந்து கொண்டுதான் இருக்கும்

வாழ்க்கைப் பாடம்

வாழ்க்கை எனும் பள்ளிக்கூடத்தில்

நாம் அனுபவப்பாடம் பயின்று வருகிறோம்

கோலங்கள்

அழகான கோலம் போடலாம் என்று நினைத்து

என் வாழ்க்கையில் ஒவ்வொறு புள்ளிகளையும்

நான் போடுகிறேன்!!!

ஆண்டவனோ இந்த புள்ளிகளை வெய்த்து

வேறொறு கோலம் போடுகிறான்,

அலங்கோலமாய்!!!

தேடல் முடிந்தது

காதலின் தேடல் இளமையில்…

அன்பின் தேடல் முதுமையில்…

வாழ்கையின் தேடல் எளிமையில்…

பதவியின் தேடல் தலைமையில்…

இன்பத்தின் தேடல் பன்மையில்…

துன்பத்தின் தேடல் பொருமையில்…

சந்தோஷத்தின் தேடல் பெருமையில்…

கோபத்தின் தேடல் வன்மையில்…

வெற்றியின் தேடல் வலிமையில்…

தோல்வியின் தேடல் வெறுமையில்…

உண்மையின் தேடல் பொய்மையில்…

பொய்யான தேடல் உண்மையில்… …முடிந்தது